2017-11-15 14:49

FC St. Pauli - Bredstedter TSV 28:18 (13:9)

Heimspiel am 11.11.2017 um 18:00 Uhr in der Budapester Straße

Tribünenplausch am Samstag im Wohnzimmer Buda

Dat west mol ´n Kirmes, wat Hein?

Dom, Hinnak, DOM!

Wodat? We weer doch gonnich in en Kirk west.

Hinnak, du Döskopp, dat heit hier Dom und nich Kirmes, Kirmes is op ´n Dörpen.

Achso. Wat is nu mit unsere Jungs? Speelt de gor nich??? Ik seh nur Trutschen. Kiek mol, die dor dröben, alle blond.

Wit ik ok nich, villicht sünt wi to freu.

Jo, hest Recht, geit erst um acht los, stünd jo int Ellerbeker Bladd. Wollt we noch mol ton Kirmes? De Köm west süffig. Ging schier rünner.

DOM, Hinnak, DOM! Nee, lot mol ween. Is schietwedder. Sehn schnuggelig ut de Deerns. Dat Blonde in dat Gröne. As bi uns to Hus. Un de Annern: Vullkomen in schwatt, jo de kömmt ja uk vom Kiez.

Oh, kiek, geiht a los. Wat mog de dor. Wat bölk die? BREDIS??? Säch mol, Hein, wat hätt dat nu weller mit Brood to doon?

Nu, Jung, die kümmt ut Bredstedt und benömen sick Bredis. De snack dor boben ja uk friesisch und at is ja man uk fast Skandinavien, van daar sinn die jümmers man all blond.

Un die Schwatten dönnert een „Furz St. Pauli“! Wat een Schwienkrom. Dat givt dat bi uns nich inne Wohnstuuv. Dor blivt dat olens schier.
Die sün spünnark, die Hamburgers, dat säck ik di. Siest dat??? Dor de Jungs mit den roten Shirts? „Paulizei“, nich mol de Bullerei könnt sei richtich schreeben…

Ik kiek mol, ob wi noch ´n Köm bekümt.          

Hein, dor achtern, dor givt dat ´n Beer.      

Mist, nur Astra. Givt keen Jever. Prost, hau wech. Ap in Nacken.

Dat Speel geit jo hin un her, scheu nto kieken.

De Torfrau vonne Schwatten, de mokt dat allerbest. Fast wi ´n Spinn, a weller, un nu de wiede Wurf…  passt un bin is he.

Siest dat? Dor butten, de Lütte. Dat is ne Granate. Un die op de anner Siet uk. Wo die über de Eer schliddert. Un al wedder bin, zack! Die Deers fiedelt de Broode af.

Un in a Abwehr pokt sei tüchtig too. Dor geit gar nix , RIGOROS.

Achtuntwinnig to achttein, dat is dütlich.

Aaah, dor kümmt nu unsre Jungs.

Aber dat weest mol een nettes Speel. Künn wi mol wedder kieken un das Astra schmeckt ok nich schlecht.

Zurück